Politika e privatësisë

THEA BY K Privacy Policy (English) →

Kjo faqe menaxhohet nga Kezjana Dardha, Person Fizik, NUIS M31731026C, me emër tregtar „Thea by K“ („Thea“). Mbrojtja e të dhënave të tua është e rëndësishme për ne. Këtu shpjegojmë çfarë mbledhim, pse, ku qëndron, sa kohë e mbajmë dhe si mund ta kontrollosh.

Përditësuar: 30 tetor 2026.

1. Kush jemi dhe si na kontakton

Përgjegjëse për të dhënat është Kezjana Dardha (Thea by K), Rruga Peti, njësia N5, Tiranë. Email: info@theashop.al · WhatsApp: +355 69 565 7347.

2. Çfarë mbledhim dhe pse

• Porosia: emrin, numrin e telefonit, adresën e dorëzimit, qytetin dhe artikujt. I përdorim për të përpunuar dhe dërguar porosinë, për t'u kontaktuar për të, për kthimet dhe për faturën. Kur paguan me transfertë ose me link pagese, shënojmë edhe që pagesa u mor.
• Llogaria (opsionale): emailin dhe emrin. Mund të krijohet me email, ose me llogari Google, Facebook, LinkedIn ose TikTok. Nga këto rrjete marrim vetëm atë që ti pranon në ekranin e lejes (nga TikTok: vetëm ID-në dhe emrin e shfaqur, shih seksionin 6), dhe email-in e marrim vetëm kur është i verifikuar nga ai rrjet.
• Verifikimi me WhatsApp: kur verifikon numrin, të dërgojmë një kod ose një lidhje me WhatsApp. Verifikimi përdoret për llogarinë dhe për programin e pikëve (THEA Club).
• Njoftimet për copat e reja: në email vetëm pasi e konfirmon me linkun që të dërgojmë; në WhatsApp vetëm kur na i kërkon vetë (shkruan «NJOFTIME», zgjedh kutinë te arka ose i thua «po» asistentes). Ruajmë kur dhe si e dhe ose e hoqe pëlqimin, si provë. Shkruaj «STOP» në WhatsApp ose shtyp «Çregjistrohu» te email-i dhe ndalojmë menjëherë. Mesazhet për porosinë tënde (konfirmimi, nisja, dorëzimi) s'kërkojnë këtë pëlqim.
• Bisedat me ne: kur na shkruan te chat-i i faqes, në WhatsApp, Instagram ose Messenger, përgjigjet zakonisht i jep asistentja dixhitale e dyqanit (Ina), një program që njeh copat, masat dhe porosinë tënde. Kezjana i ndjek bisedat dhe e merr vetë bisedën kur duhet, ose kur e kërkon ti («Fol me Kezjanën»). Mesazhet, edhe fotot që na dërgon, përpunohen nga ofruesi i teknologjisë së asistentes (Anthropic, shih seksionin 4); mesazhet zanore në WhatsApp kthehen në tekst nga Google (Gemini), që t'i lexojnë asistentja dhe pronarja. Bisedat i lexon edhe pronarja e dyqanit, që të të ndihmojë drejtpërdrejt ose ta përmirësojë asistenten.
• Çfarë dimë për ty (memoria e klientes): që të mos të pyesim sërish, përdorim vetëm atë që na ke thënë ose ke bërë vetë: masat dhe preferencat që na ke treguar në bisedë, porositë dhe kërkesat për copa. Merret parasysh vetëm ajo e 365 ditëve të fundit. Përdoret kur na shkruan ti ose kur je e kyçur te faqja, kurrë për të të shkruar ne me iniciativën tonë. Adresën nuk ia japim asistentes nga kjo memorie. Kur je e kyçur, arka mund të plotësohet nga porosia jote e fundit, me «Ndrysho» dhe «Fshiji» të dukshme. Te «Llogaria ime → Çfarë dimë për ty» i sheh të gjitha dhe mund ta heqësh çdo rresht: masat dhe preferencat e thëna fshihen, porositë mbeten si regjistër shitjesh por nuk përdoren më për ty.
• Prova virtuale: nëse e përdor, ngarkon një foto. Ajo përpunohet vetëm për të gjeneruar pamjen tënde dhe fshihet menjëherë pas gjenerimit. Nuk e ruajmë dhe nuk e përdorim për asgjë tjetër.
• Recensionet dhe fotot e klientëve: vlerësimin, tekstin dhe, nëse e dërgon, një foto. Fotot publikohen vetëm pasi t'i kemi shqyrtuar, dhe vetëm me lejen tënde, të cilën e ruajmë bashkë me foton.
• Ankesat: kur na tregon një problem nga faqja «Kam një problem»: emrin (opsional), telefonin, çfarë ndodhi dhe, kur ke kodin e porosisë, porosinë. I përdorim vetëm për të të kontaktuar dhe për ta zgjidhur problemin dhe i lexon vetëm pronarja e dyqanit.
• Vendndodhja: vetëm nëse shtyp «Përdor vendndodhjen time» te porosia. Pika përdoret për të plotësuar adresën dhe ruhet bashkë me porosinë që korrieri të të gjejë; nuk përdoret për asgjë tjetër dhe mund ta heqësh para se të porositësh.
• Vizitat në faqe: statistika të përgjithshme (numri i vizitave, faqet dhe produktet e shikuara, telefon apo kompjuter) dhe nga erdhe (rrjeti, reklama ose linku i një partnereje), që të dimë çfarë sjell porosi. Pa «Prano» i numërojmë vetëm te serveri ynë, pa cookie: për çdo faqe ruajmë rrugën, burimin e lidhjes dhe një kod të shkurtër të koduar nga adresa IP dhe shfletuesi (jo IP-në e hapur), dhe për porosinë e bërë brenda 24 orëve shënojmë nga erdhi vizita. Pas «Prano» përdorim edhe cookie-t e matjes të seksionit 3 (identifikues i rastësishëm seance, burimi i parë dhe i fundit), jo emrin apo numrin tënd.
• Bashkëpunëtoret (creator-ët dhe partneret): emrin, telefonin, llogarinë Instagram/TikTok, qytetin, statistikat që na dërgon, masat dhe, për pagesën, IBAN-in. Kur pranon marrëveshjen te faqja jote private, ruajmë datën, versionin e tekstit që pranove, kanalin dhe adresën IP të shkurtuar (pa pjesën e fundit), si provë e pranimit.

Baza ligjore (Ligji nr. 124/2024 «Për mbrojtjen e të dhënave personale», neni 7, i përafruar me Rregulloren e BE 2016/679 – GDPR, neni 6):

• Kontrata me ty (neni 7/1 b): porosia, dërgesa, pagesa, kthimet, llogaria, bisedat për një porosi ose një copë, ankesat, marrëveshja me creator-ët.
• Detyrim ligjor (neni 7/1 c): faturat dhe dokumentet e kontabilitetit (Ligji nr. 25/2018 «Për kontabilitetin», neni 8: ruhen 10 vjet; Ligji nr. 9920/2008 për procedurat tatimore), kopja e kundërshtimit të marketingut (shih seksionin 8).
• Pëlqimi yt (neni 7/1 a), që e heq kur të duash: njoftimet për copat e reja në WhatsApp dhe email (edhe sipas Ligjit nr. 54/2024 «Për komunikimet elektronike», neni 165, dhe Ligjit nr. 10128/2009 «Për tregtinë elektronike», neni 9), cookie-t e matjes dhe të reklamave (Ligji 54/2024, neni 158/6), prova virtuale, fotot dhe recensionet që publikojmë.
• Interesi ynë i ligjshëm (neni 7/1 dh), gjithmonë me të drejtën tënde për ta kundërshtuar: siguria e faqes dhe e panelit, statistikat pa cookie te serveri, matja e burimit të porosive, memoria e përshkruar më sipër dhe matja e reklamave për blerjet (seksioni 4, Meta).

Shërbimi është për persona mbi 18 vjeç. Nuk mbledhim me dije të dhëna të fëmijëve; nëse mendon se na ka shkruar një fëmijë, na njofto dhe i fshijmë.

3. Cookie-t dhe ruajtja në shfletues

Sipas Ligjit nr. 54/2024 «Për komunikimet elektronike» (neni 158, pika 6), në pajisjen tënde ruajmë ose lexojmë diçka pa pëlqim vetëm kur është e domosdoshme për shërbimin që kërkon ti. Prandaj cookie-t tona (vendosen nga theashop.al dhe s'ndahen me askënd) janë dy llojesh.

Të domosdoshme dhe funksionale (pa pëlqim, sepse i kërkon vetë):

• session: shporta e hapur, hyrja te llogaria dhe mbrojtja e formularëve nga kërkesat e falsifikuara. Deri sa mbyll shfletuesin, ose 31 ditë kur je e kyçur.
• thea_ck: zgjedhja jote te baneri i cookie-ve («Prano» ose «Vetëm bazë»), që ta respektojmë edhe te serveri. 180 ditë.
• thea_chat: lidh chat-in e faqes me bisedën tënde, që ta gjesh kur kthehesh. 180 ditë.
• thea_ms: masa që zgjodhe (ose «-» kur e hoqe). 365 ditë.
• thea_stil: copa ose «look»-u nga i cili nise. 30 ditë.
• thea_ref dhe thea_rs: kodi ose linku i partneres që hape, që të të njihet zbritja dhe porosia t'i numërohet asaj. 30 ditë.
• thea_cv: lidhja me bisedën (Instagram, Messenger) ku të dërguam linkun, që ta gjejmë porosinë tënde kur na pyet. 30 ditë.

Të matjes, vetëm pas «Prano» (pa «Prano» nuk vendosen dhe, edhe nëse shfletuesi i ka nga më parë, nuk i lexojmë; me «Vetëm bazë» i fshijmë):

• thea_sid: identifikues i rastësishëm seance për statistikat e vizitave. 30 minuta.
• thea_src: rrjeti nga erdhe (Instagram, WhatsApp, Google…). 30 ditë.
• thea_ft dhe thea_lt: vizita e parë dhe e fundit nga jashtë faqes (burimi, fushata, faqja nga erdhe dhe faqja ku hyre), që të dimë cila reklamë ose postim solli porosinë. 30 ditë.
• thea_camp: fushata ose koleksioni javor nga erdhe. 30 ditë.
• thea_last: vetëm data e vizitës së fundit, që të të tregojmë «të rejat që nga vizita jote». 1 vit.

Asnjëra nuk mban emër, telefon apo email dhe asnjë palë e tretë s'i lexon; mund t'i fshish kur të duash nga cilësimet e shfletuesit, pa humbur asgjë nga porosia.

Ruajtja në shfletues (jo cookie, nuk dërgohet te ne): shporta, kontakti i ruajtur për porosinë e ardhshme, masa, produktet e shikuara fundit, zgjedhja jote për cookie-t dhe për njoftimet, dhe nëse e ke mbyllur ofertën e mirëseardhjes.

Statistika dhe reklama (palë të treta), vetëm pasi shtyp «Prano» te baneri:

• Google Analytics (GA4): cookie _ga dhe _ga_* (deri 2 vjet), me IP të anonimizuar. Skripti i Google ngarkohet në faqe, por pa «Prano» është i ndalur: nuk dërgon statistika dhe nuk vendos cookie (Consent Mode).
• Pikseli i Meta: cookie _fbp (90 ditë), për të matur reklamat në Facebook dhe Instagram. Ngarkohet vetëm pas «Prano», po ashtu edhe postimet e Facebook-ut të vendosura te faqja.
• Microsoft Clarity: cookie _clck (1 vit) dhe _clsk (1 ditë). Regjistron hartë nxehtësie dhe incizime të klikimeve e lëvizjes në faqet e shfletimit, të produkteve dhe të shportës, që ta bëjmë faqen më të lehtë; fushat që plotëson (emri, telefoni, adresa), biseda me asistenten, oferta e mirëseardhjes dhe dritarja e provës virtuale maskohen dhe s'regjistrohen. Nuk ngarkohet te llogaria, porosia, garderoba dhe paneli.
• Njoftimet në shfletues: vetëm nëse i aktivizon, shfletuesi na jep një adresë njoftimi (përmes shërbimit të njoftimeve të Google, Mozilla ose Apple).

Me «Vetëm bazë» nuk ngarkohet asnjë nga këto. Zgjedhjen e ndryshon kur të duash me lidhjen «Cookie» në fund të faqes; cookie-t e vendosura tashmë i fshin nga cilësimet e shfletuesit.

4. Me kë i ndajmë të dhënat

Nuk i shesim dhe nuk i japim askujt për reklama të tjera. Ofruesit që i përpunojnë për ne, vetëm për qëllimin e shënuar, janë:

• Hostimi: faqja dhe baza e të dhënave qëndrojnë në një server të marrë me qira në Gjermani (Bashkimi Evropian). Kopjet rezervë bëhen çdo ditë, të enkriptuara: në të njëjtin server dhe jashtë tij, te Backblaze B2 dhe Google Drive.
• Korrieri (ADEX): emri, telefoni, adresa dhe shuma për t'u arkëtuar, vetëm për dorëzimin e pakos.
• Meta (WhatsApp, Instagram, Facebook, pikseli): mesazhet që shkëmbejmë në ato aplikacione dhe statistikat e reklamave. Për matjen e reklamave i dërgojmë Meta-s, nga serveri ynë, ngjarje si blerja (vlera, kodi i produktit) ose, për bisedat që nisin nga një reklamë, interesimi (kur pyet për një copë ose jep masën), bashkë me një identifikues të koduar (hash SHA-256) të numrit të telefonit; për porositë nga faqja vetëm kur ke pranuar cookie-t, për bisedat vetëm kur ke shkruar nga një reklamë. Nuk dërgojmë emrin, adresën apo emailin. Për bisedat pa blerje (interesimi) dërgojmë vetëm kodin e klikimit që na jep vetë Meta, pa hash telefoni. Ky përdorim bazohet te interesi ynë i ligjshëm për të matur reklamat (për porositë nga faqja: pëlqimi yt te cookie-t); Meta është kontrollues i përbashkët me ne për këtë dërgim dhe e përpunon edhe në SHBA. Mund ta kundërshtosh në çdo kohë duke na shkruar ose me «STOP»: pas kësaj numri yt nuk i dërgohet më Meta-s; kjo nuk ndikon porosinë.
• Anthropic: teknologjia e asistentes së dyqanit: bisedat dhe fotot që i dërgon (stil, masa, disponueshmëri, porosia), kudo që na shkruan: faqja, WhatsApp, Instagram ose Messenger.
• Google: hyrja me llogari Google, Google Analytics (pas «Prano»), kthimi në tekst i mesazheve zanore (Gemini), kopjet rezervë të enkriptuara (Google Drive) dhe dërgimi i disa email-eve (Gmail).
• Microsoft (Clarity): statistikat e sjelljes në faqe, vetëm pas «Prano» (shih seksionin 3).
• Backblaze: ruajtja e kopjeve rezervë të enkriptuara, që ata s'mund t'i lexojnë.
• Google, Facebook, LinkedIn, TikTok: vetëm për hyrjen me llogari të tyre, kur e zgjedh.
• Cloudflare: përpunimi i provës virtuale (foto e përkohshme) dhe shërbime të tjera teknike.
• Pinterest: publikimi i Pin-eve të produkteve tona (foto, titull, përshkrim, link i produktit) nga llogaria e vetë dyqanit.
• Telegram: njoftime të brendshme për ekipin tonë (porositë me emrin, telefonin dhe adresën; mesazhet dhe komentet e reja të klientëve).
• Email-i: email-et e konfirmimit dhe të porosisë dërgohen me Google (Gmail) ose me serverin tonë të postës (theashop.al).
• Fatura fiskale (devPOS dhe administrata tatimore): kur lëshojmë faturën, artikujt, vlera dhe mënyra e pagesës (dhe emri e adresa e blerësit kur shënohen te fatura) kalojnë te sistemi i fiskalizimit devPOS dhe raportohen te administrata tatimore, siç e kërkon ligji.
• Pagesat: me transfertë, banka (BKT) na tregon emrin e dërguesit dhe shumën; me link pagese me kartë (Pago/POK) ose me PayPal, të dhënat e kartës i fut ti direkt te ata dhe ne marrim vetëm konfirmimin e pagesës dhe shumën.
• Partneret (creator-ët): kur një porosi vjen nga linku ose kodi i një partnereje, ajo sheh vetëm artikullin, datën dhe vlerën e porosisë, kurrë emrin, telefonin apo adresën tënde.

Disa nga këta ofrues janë jashtë Shqipërisë (në BE dhe në SHBA), dhe të dhënat mund të përpunohen atje. Përdorim vetëm shërbime që kanë mbrojtje të pranuar për të dhënat.

5. Të dhënat nga Google dhe YouTube (kanali i dyqanit)

Për të publikuar videot e produkteve tona te kanali YouTube i dyqanit («Thea By Kezjana»), faqja jonë lidhet me atë kanal përmes Google OAuth. Lidhjen e bën vetëm pronarja e kanalit, me llogarinë e saj Google. Ajo është e ndarë nga hyrja e klientëve me llogari Google që përshkruhet te seksioni 2.

• Lejet që kërkojmë: (1) ngarkimin e videove te kanali ynë (youtube.upload); (2) menaxhimin e kanalit tonë, që faqja të postojë një koment nën videot tona (youtube.force-ssl, leja më e vogël që YouTube ofron për komente).
• Çfarë bëjmë me to: vetëm publikojmë videot e produkteve tona (titull, përshkrim, etiketa) dhe postojmë, nga kanali ynë, një koment me pyetje nën secilën video. Nuk fshijmë video ose komente.
• Çfarë nuk bëjmë: nuk lexojmë, nuk mbledhim dhe nuk ruajmë të dhëna të përdoruesve të tjerë të YouTube-it ose Google (shikues, komentues, abonentë). Nuk i përdorim këto leje për reklama, nuk i shesim dhe nuk i japim askujt.
• Si ruhen: çelësat e hyrjes (tokenat) që jep Google ruhen në serverin tonë, me akses vetëm për administratorët. Përdoren vetëm nga faqja jonë, për ato dy veprime.
• Heqja e lejes: pronarja mund ta heqë lidhjen në çdo kohë te myaccount.google.com/permissions, ose me butonin «Shkëput kanalin» te paneli i administratorit, që i fshin çelësat nga serveri.

THEA BY K's use and transfer to any other app of information received from Google APIs will adhere to the Google API Services User Data Policy, including the Limited Use requirements.

6. Të dhënat nga TikTok

THEA BY K përdor dy produkte të TikTok for Developers: Login Kit dhe Content Posting API.

• Hyrja me TikTok (klientët): nëse zgjedh «Vazhdo me TikTok», TikTok na jep vetëm ID-në tënde të TikTok (open_id) dhe emrin e shfaqur (leja user.info.basic). Nuk marrim email, numër telefoni, video, ndjekës ose mesazhe. I përdorim vetëm për të të njohur kur hyn dhe për të lidhur llogarinë me porositë. Nuk i ndajmë dhe nuk i përdorim për reklama.
• Llogaria e vetë dyqanit (vetëm pronarja): për të publikuar videot e produkteve tona, pronarja e lidh llogarinë TikTok të dyqanit me faqen nga paneli i administratorit. Kërkojmë user.info.basic, video.upload dhe video.publish, dhe i përdorim vetëm për të ngarkuar dhe publikuar videot tona, me përshkrimet e tyre, te llogaria jonë.
• Çfarë nuk bëjmë: nuk lexojmë, nuk mbledhim dhe nuk ruajmë të dhëna të përdoruesve të tjerë të TikTok (shikues, komentues, ndjekës). Nuk i shesim të dhënat nga TikTok dhe nuk ia japim askujt.
• Si ruhen: çelësat e hyrjes (tokenat) që jep TikTok ruhen në serverin tonë, me akses vetëm për administratorët.
• Heqja e lejes: mund ta heqësh qasjen e THEA BY K në çdo kohë te cilësimet e aplikacionit TikTok (aplikacionet e lidhura / lejet) ose duke na shkruar; pronarja mund ta shkëputë llogarinë TikTok të dyqanit te paneli i administratorit, që i fshin çelësat nga serveri.

7. Të dhënat nga Pinterest

THEA BY K përdor API-n e Pinterest vetëm për të publikuar Pin-et e produkteve të veta.

• Çfarë lidhim: pronarja e dyqanit e lidh llogarinë e biznesit të dyqanit në Pinterest me faqen nga paneli i administratorit, me lejet boards:read, boards:write, pins:read, pins:write dhe user_accounts:read.
• Çfarë bëjmë me to: krijojmë Pin për produktet tona (foto e produktit, titull, përshkrim dhe link te faqja e produktit në theashop.al) te bordet e vetë dyqanit, dhe lexojmë bordet tona për të zgjedhur ku të vendosim Pin-in.
• Çfarë nuk bëjmë: nuk lexojmë, nuk mbledhim dhe nuk ruajmë të dhëna të përdoruesve të tjerë të Pinterest (ndjekës, njerëz që ruajnë ose komentojnë Pin-e). Nuk i shesim të dhënat nga Pinterest, nuk i përdorim për reklama dhe nuk ia japim askujt.
• Si ruhen: çelësat e hyrjes (tokenat) që jep Pinterest ruhen në serverin tonë, me akses vetëm për administratorët.
• Heqja e lejes: pronarja mund ta shkëputë Pinterest te paneli i administratorit, që i fshin çelësat nga serveri, ose ta heqë qasjen e THEA BY K te cilësimet e llogarisë Pinterest (aplikacionet e lidhura).

8. Sa kohë i mbajmë

• Porositë dhe faturat (emri, telefoni, adresa, artikujt): 10 vjet, sa kërkon ligji për dokumentet e kontabilitetit (Ligji nr. 25/2018, neni 8), sepse na duhen edhe për kthimet dhe garancinë. Kur kërkon fshirjen, porositë mbeten pa emër, telefon, email dhe adresë.
• Sa kohë i ruajmë bisedat: mesazhet e bisedave me ne (WhatsApp, Instagram, Messenger, chat-i i faqes) dhe bisedat me asistenten fshihen automatikisht 365 ditë pasi janë shkruar. Nëse do që t'i fshijmë më herët, shih «Si t'i fshish të dhënat».
• Memoria (Çfarë dimë për ty): përdoret vetëm ajo e 365 ditëve të fundit; masat dhe preferencat e thëna fshihen kur i heq ti ose kur fshihet biseda.
• Llogaria: derisa ta fshish.
• Pëlqimet dhe çregjistrimet: ruhen si provë për sa kohë të kontaktojmë, që të mos të shkruajmë pa leje. Nëse ke kundërshtuar marketingun («STOP», «Çregjistrohu») dhe pastaj kërkon fshirjen, mbajmë vetëm një kod të koduar (hash me çelës të fshehtë) të numrit ose të email-it, me datën dhe kanalin, në listën e ndalimit, që të mos të shkruajmë më kurrë gabimisht; nga ky kod numri s'mund të lexohet. Hiqet vetëm kur na jep sërish vetë pëlqimin (Ligji 124/2024, nenet 15 dhe 19; Ligji 10128/2009, neni 9/3).
• Fotot e provës virtuale: fshihen menjëherë pas gjenerimit.
• Cookie-t: sa shkruhet te seksioni 3.
• Kopjet rezervë: çdo kopje fshihet vetë brenda 14 ditëve, prandaj diçka e fshirë mund të mbetet në to, e enkriptuar, deri në 14 ditë.
• Njoftimet e brendshme te Telegram: mbeten te biseda e ekipit derisa t'i fshijmë.

9. Si i mbrojmë

Faqja përdor HTTPS. Aksesi në panelin e adminit është i kufizuar, dhe kërkesat e dërguara nga faqja kontrollohen për të mbrojtur nga ndryshime të paautorizuara. Kopjet rezervë janë të enkriptuara. Asnjë sistem nuk është 100% i sigurt, prandaj na njofto nëse dyshon për ndonjë problem.

10. Të drejtat e tua

Mund të na kërkosh në çdo kohë:

• të shohësh çfarë të dhënash kemi për ty (të japim një kopje);
• t'i korrigjosh ose t'i përditësosh;
• t'i fshish (llogarinë dhe të dhënat që nuk duhen për ligj);
• të tërhiqesh nga njoftimet, nga newsletter-i ose nga pëlqimi për fotot, në çdo kohë;
• të kundërshtosh përdorimin për reklama, matjen e burimit ose memorien;
• të flasësh me një njeri në vend të asistentes: shkruaj «Fol me Kezjanën».

Shkruaj te info@theashop.al ose në WhatsApp nga numri yt. Të përgjigjemi sa më shpejt, dhe jo më vonë se 30 ditë. Udhëzimet hap pas hapi: Si t'i fshish të dhënat.

Kundërshtimi i marketingut zbatohet menjëherë (Ligji 124/2024, neni 19). Nëse mendon që të dhënat e tua nuk trajtohen si duhet, mund të ankohesh te Komisioneri për të Drejtën e Informimit dhe Mbrojtjen e të Dhënave Personale (idp.al).

11. Ndryshimet

Mund ta përditësojmë këtë politikë. Ndryshimet e rëndësishme do të shfaqen këtu, me datën e re.

Përditësuar: 30 tetor 2026 (versioni i mëparshëm: 26 tetor 2026).