Kthimi i produkteve

Në THEA BY K duam që të jesh e kënaqur me çdo blerje. Blerjet online janë kontrata në largësi, ndaj ke të drejtat e mëposhtme sipas Ligjit nr. 9902/2008 «Për mbrojtjen e konsumatorëve» (neni 37/1–37/6).

E drejta e heqjes dorë: 14 ditë

Mund të heqësh dorë nga porosia pa dhënë asnjë arsye, brenda 14 ditëve nga dita kur e merr produktin (kur porosit disa produkte të dorëzuara veç e veç, nga dita e produktit të fundit).

Njofto me formën më poshtë, ose me një deklaratë të qartë me email (info@theashop.al), WhatsApp ose Instagram @theabyk, para se të mbarojë afati 14-ditor.
Ktheje produktin brenda 14 ditëve nga njoftimi: mund ta sjellësh te dyqani (Rruga Peti, njësia N5 (pranë Kopshtit Zoologjik, Liqeni i Thatë), Tiranë) ose ta dërgosh me korrier; përpara dërgimit na shkruaj që ta presim.
Produkti të jetë pa shenja përdorimi përtej provës (si në dyqan), me etiketat origjinale dhe paketimin. Je përgjegjëse vetëm për vlerën e pakësuar nëse e ke përdorur më shumë sesa duhet për ta provuar.
Paratë t'i kthejmë brenda 14 ditëve nga njoftimi, përfshirë transportin standard që ke paguar, me transfertë bankare ose cash te dyqani (pagesa e porosisë ishte në dorëzim). Mund t'i mbajmë derisa të marrim produktin ose provën e kthimit.
Kostoja e kthimit: kostot e drejtpërdrejta të dërgimit mbrapsht i paguan klientja (kthimi te dyqani është pa kosto).

Mund të kërkosh edhe ndërrim me një masë tjetër (sipas stokut) në vend të kthimit të parave. Për ndërrim, kostoja është 500 lek (300 kthimi + 200 dërgesa e copës së re) dhe hyn te llogaria: çmimi i copës së kthyer zbritet i plotë dhe korrieri e merr pakon e vjetër kur sjell të renë. Produktet e bëra sipas kërkesës sate ose të vulosura për arsye higjienore pasi të hapen nuk kanë të drejtë heqjeje dorë (neni 37/8).

Nëse produkti ka defekt ose nuk është siç u përshkrua, ke të drejta ligjore shtesë (ndreqje, zëvendësim ose rimbursim): na shkruaj menjëherë me foto.

Forma e heqjes dorë

Formulari model (mund ta dërgosh me email ose WhatsApp)

Për: THEA BY K, info@theashop.al Po njoftoj që po heq dorë nga kontrata ime për blerjen e produktit/produkteve: ______ Porositur më: ______ / marrë më: ______ Numri i porosisë: ______ Emri: ______ Telefoni: ______ Adresa: ______ Data: ______

THEA BY K rezervon të drejtën të verifikojë gjendjen e produktit pas kthimit. Për ndihmë: Instagram @theabyk ose WhatsApp.